«ОМЎЗГОР»
№8, (№12389) — 23.02. 2023
ДӮСТОНИ АЗИЗ, ОМӮЗГОРОНИ АРҶМАНД, ТАВАҶҶУҲ КУНЕД!
ШУМОРАИ НАВБАТИИ «ОМӮЗГОР» (№8, 23. 02. 2023) БО МАТЛАБИ «ГУФТУГӮОИД БА ОЗМУН» ШУРУЪ ГАРДИДААСТ. ИН МАВОД АЗ ХУСУСИ ҶАЛАСАИ ЯКУМИ КУМИТАИ ТАДОРУКОТ, ҲАЙАТИ КОМИССИЯИ ОЗМУНИ ҶУМҲУРИЯВИИ «ФУРӮҒИ СУБҲИ ДОНОӢ КИТОБ АСТ», КИ БО РОҲБАРИИ РАИСИ КОМИССИЯИ ОЗМУНИ МАЗКУР, МУОВИНИ САРВАЗИРИ ҶУМҲУРИИ ТОҶИКИСТОН МАТЛУБАХОН САТТОРИЁН ДАР ВАЗОРАТИ МАОРИФ ВА ИЛМИ ҶУМҲУРИИ ТОҶИКИСТОН БАРГУЗОР ГАРДИДААСТ, ИТТИЛОЪ МЕДИҲАД. ДАР ИН ШУМОРА, ҲАМЧУНИН, ЧУН ДАР ШУМОРАҲОИ ПЕШИН НАВИШТАҲОИ ОМӮЗГОРОНУ МУТАХАССИСОНИ СОҲАИ МАОРИФ ВОБАСТА БА МАСЪАЛАҲОИ ИЛМУ МАОРИФ, МЕТОДИКАИ ТАЪЛИМ, ИДЕОЛОГИЯ ВА ДИГАР МАСОИЛИ МАВЗУИ РӮЗ НАШР ГАРДИДААСТ.
ДАР САҲИФАИ ДУЮМИ РӮЗНОМА БОШАД, СУХАН АЗ ФАЪОЛИЯТИ ЯКҲАФТАИНАИ ВАЗОРАТИ МАОРИФ ВА ИЛМИ ҶУМҲУРИИ ТОҶИКИСТОН МЕРАВАД. НАВИШТАҲОИ ИН САҲИФА ЗЕРИ УНВОНИ УМУМИИ «ҲАФТАИ ВАЗОРАТ» АЗ ҶАРАЁН ВА НАТИҶАҲОИ САФАРИ КОРИИ ВАЗИРИ МАОРИФ ВА ИЛМ РАҲИМ САИДЗОДА АЗ НОҲИЯИ МУЪМИНОБОД ХАБАР МЕДИҲАНД. НАВИШТАИ МУХБИРИ РӮЗНОМА БО НОМИ «ГУФТУГӮ ДАР МАВЗУИ МУҲИМИ РӮЗ» АЗ КОНФЕРЕНСИЯИ ҶУМҲУРИЯВИИ «ТАРБИЯИ ВАТАНДӮСТӢВА МАСЪУЛИЯТИ ШАҲРВАНДӢ– ОМИЛИ ПЕШГИРИИ ПАДИДАҲОИ НОМАТЛУБИ КӮДАКОНУ НАВРАСОН», КИ ДАР КИТОБХОНАИ МИЛЛӢБО ТАШАББУСИ ВМИ ҶТ БАРГУЗОР ГАРДИД, ПЕШКАШИ ХОНАНДА ШУДААСТ.
ДАР ЛАВҲАИ КОРМАНДИ НАШРИЯ Ҳ. ҲОМИД БО НОМИ «САЙЪИ КОМИЛ ӮРО БА МУРОД РАСОНД» АЗ ХУСУСИ ПИРӮЗИИ ОМӮЗГОРИ ФИЗИКА – МАТЕМАТИКАИ МТМУ №124-И НОҲИЯИ ФИРДАВСӢ МУРОДУЛЛО НОСИРОВ (ДАР ОЗМУНИ БАЙНАЛМИЛАЛИИ (ОНЛАЙНӢ)) СУХАН МЕРАВАД. ДАР САҲИФАИ НАВБАТӢ ФИШУРДАИ МАВОД АЗ НИШАСТҲОИ МАТБУОТӢДАР МУАССИСАҲОИ ТАҲСИЛОТИ ОЛИИ КАСБИИ ҶУМҲУРӢ ҶОЙ ДОДА ШУДААСТ.
САҲИФАҲОИ 8 – 9 НАВИШТАҲОРО БА ИФТИХОРИ БА 30 – СОЛАГИИ АРТИШИ МИЛЛИИ ҶУМҲУРИИ ТОҶИКИСТОН ФАРО МЕГИРАНД. ТАҲТИ УНВОНИ «НАБЗИ МАОРИФ» ЯКЧАНД МАҚОЛАИОМӮЗГОРОНУ КОРШИНОСОНИ СОҲА БО НОМҲОИ «ҲУҚУҚИ КӮДАКРО ҲИМОЯ БОЯД КАРД», «ҲИДОЯТ БА ОЛАМИ МАЪРИФАТ», «ОМӮЗГОРОН СОҲИБИ ЗАМИН ШУДАНД» ВА ҒАЙРА БА ТАБЪ РАСИДААСТ, КИ НАБЗИ МАОРИФРО ИФОДА НАМУДААНД.
ЗЕРИ РУБРИКАИ «ХЕШТАНШИНОСӢ» ЯК ҚАТОР НАВИШТАҲОИ ҶОЛИБ ДОИР БА ИФТИХОР ВА ҚОНУНИ ВАТАНДОРӢ, АСОЛАТИ МИЛЛӢ, РУШДИ ИҚТИСОДИ МАМЛАКАТ ВА МОНАНДИ ИНҲО НАШР ШУДААСТ, КИ ҶОЛИБУ ХОНДАНИАНД. МАВОДИ «МАЪРИФАТ ҶАҲОЛАТКУШ АСТ» АНДЕШАҲОИ ДИРЕКТОРИ МУАССИСАИ ТАҲСИЛОТИ МИЁНАИ УМУМИИ РАҚАМИ 8 –И НОҲИЯИ ИСМОИЛИ СОМОНӢ АЗИЗБЕК БОРОНОВРО ДАРБАР ГИРИФТААСТ. НОМБУРДА, АЗ ҶУМЛА, ИБРОЗ ДОШТААСТ: «САБАБҲОИ ГАРАВИШИ ҶАВОНОН БА ГУРӮҲҲОИ АЛОҲИДАИ ЭКСТРЕМИСТИВУ РАДИКАЛӢ, ҶУДОИХОҲУ ТЕРРОРИСТӢ ВА АМСОЛИ ИНҲО ГУНОГУНАНД ВА АЛБАТТА, ОН ОМӮЗИШИ МУКАММАЛТАР ВА ДАҚИҚТАРИ ИЛМИРО ТАҚОЗО МЕКУНАД». ҲАМЧУНИН, ДАР САҲИФАҲОИ ДИГАР НАВИШТАҲОИ ГУНОГУН ТАҲТИ УНВОНҲОИ «ПАДИДАҲОИ НОМАТЛУБ», «БАРНОМАИ ОЗУҚАВОРӢ АМАЛӢ МЕШАВАД», «ВАТАНРО БЕШТАР БОЯД, КИ БИШНОХТ», «ТАРБИЯИ ВАТАНДӮСТИИ ҶАВОНОН ДАР ДОНИШГОҲ», «ИН ҶО МЕСОЗЕМ, ОН ҶО МЕСӮЗАНД» ВА ҒАЙРА БА ТАБЪ РАСИДААНД, КИ ХОНДАНИАНД.
САРДОРИ РАЁСАТИ МАОРИФИ ВИЛОЯТИ ХАТЛОН ҒАЗАЛШОҲ САФАРЗОДА ДАР ПАРТАВИ ПАЁМИ ПРЕЗИДЕНТИ МАМЛАКАТ, МУҲТАРАМ ЭМОМАЛӢ РАҲМОН АНДЕШАҲОИ ХЕШРО ЗЕРИ УНВОНИ «ҲАР КИ ШАМЪАШ ЗИ ИЛМ ДАРГИРАД…» ОИД БА ҲОДИСАҲОИ АВЗОИ ҶАҲОН ВА ДАР ИРТИБОТ БА ИН, ОИД БА НАҚШИ МАКТАБУ МАОРИФ ДАР ПОЙДОРИИ СУЛҲУ ВАҲДАТ ВА АРҶГУЗОРӢ БА АРЗИШҲОИ МИЛЛӢ БАЁН ДОШТААСТ.
ДАР МАҶМУЪ, МАВОДИ ПЕШНИҲОДНАМУДАИ ИН ШУМОРА ХОНДАНБОБ БУДА, ХОНАНДА МЕТАВОНАД АЗ ОН МАТАЛАБИ ДАРХОСТИИ ХУДРО ДАРЁБАД.
НАВБАТДОРИ ШУМОРА ҲОТАМИ ҲОМИД,
«ОМӮЗГОР»
